1ܫܵܪܘܿܝܹܐ ܝܘܵܚ ܡܸܢَܕܪܸܫَ ܕܚܵܩܪܵܚ ܓܵܢܲܢ؛ ܝܲܢ ܣܢܝܼܩܹܐ ܝܘܵܚ ܐܲܝܟܼ ܚܲܕَܟܡܵܐ ܕܐܸܓܲܪ̈ܝܵܬܹܐ ܕܚܩܵܪܬܵܐ ܦܵܝܫܝܼ ܟܬܝܼܒܹܐ ܐܸܠܵܘܟܼܘܿܢ؛ ܝܲܢ ܡܸܢܵܘܟܼܘܿܢ؛ 2ܐܸܓܲܪܬܵܐ ܕܝܼܲܢ ܐܲܚܬܘܿܢ ܝܼܬܘܿܢ؛ ܕܝܼܠܵܗ̇ ܟܬܝܼܒܼܬܵܐ ܒܠܸܒܲܢ؛ ܘܝܕܥܝܼܬܵܐ ܝَܠܵܗ̇ ܘܩܪܝܼܬܵܐ ܡ̣ܢ ܟܠ ܐَܢܵܫܵܐ؛ 3ܣܵܒܵܒ ܕܝܕܸܥܝܹܐ ܝܬܘܿܢ ܕܐܸܓܲܪܬܹܗ ܕܡܫܝܼܚܵܐ ܝܬܘܿܢ؛ ܕܦܸܫܠܵܗ̇ ܥܒܼܝܼܕܬܵܐ ܚܸܠܡܲܬ ܡܸܢܲܢ؛ ܕܝܼܠܵܗ̇ ܟܬܝܼܒܼܬܵܐ؛ ܠܵܐ ܒܒܸܕܝܘܼܬܵܐ؛ ܐܸܠܵܐ ܒܪܘܼܚܵܐ ܕܐܲܠܵܗܵܐ ܚܲܝܵܐ؛ ܠܵܐ ܒܠܘܼܚܹ̈ܐ ܕܟܹܐܦܵܐ؛ ܐܸܠܵܐ ܒܠܘܼܚܹ̈ܐ ܕܠܸܒܵܐ ܕܒܸܣܪܵܐ. 4ܘܗܲܕܟܼܵܐ ܗܲܡܲܢܬܵܐ ܐܝܼܬ ܠܲܢ ܒܡܫܝܼܚܵܐ ܠܟܸܣ ܐܲܠܵܗܵܐ؛ 5ܠܵܐ ܕܐܲܚܢܲܢ ܡܵܨܵܚ ܒܓܵܢܲܢ ܚܵܫܒܼܵܚ ܡܸܢܕܝܼ ܐܲܝܟܼ ܕܡ̣ܢ ܓܵܢܲܢ؛ ܐܸܠܵܐ ܡܨܵܝܬܲܢ ܡ̣ܢ ܐܲܠܵܗܵܐ ܝَܠܵܗ̇؛ 6ܗ̇ܘ ܕܩܲܡ ܡܲܚܫܸܚܠܲܢ ܕܗܵܘܵܚ ܚܸܠܡܲܬܟܵܪܹ̈ܐ ܕܕܝܵܬܸܩܹܐ ܚܲܕܬܵܐ؛ ܠܵܐ ܕܟܬܵܒܼܵܐ؛ ܐܸܠܵܐ ܕܪܘܼܚܵܐ. ܣܵܒܵܒ ܕܟܬܵܒܼܵܐ ܟܹܐ ܩܵܛܸܠ؛ ܐܝܼܢܵܐ ܪܘܼܚܵܐ ܟܹܐ ܡܲܚܹܐ. 7ܐܝܼܢܵܐ ܐܸܢ ܚܸܠܡܲܬ ܕܡܵܘܬܵܐ؛ ܕܒܟܬܵܒܼܬܵܐ؛ ܘܪܫܝܼܡܬܵܐ ܥܲܠ ܟܹܐܦܹ̈ܐ؛ ܗَܘܹܐܠܵܗ ܒܬܸܫܒܘܿܚܬܵܐ؛ ܕܵܐܟܼܝܼ ܕܠܹܐ ܡܵܨܝܼ ܗَܘܵܘ ܒܢܲܝ̈ ܝܼܣܪܵܝܹܠ ܠܸܚܝܵܪܵܐ ܥܲܠ ܦܵܬܹܗ ܕܡܘܼܫܹܐ ܣܵܒܵܒ ܕܚܸܩܪܵܐ ܕܦܵܬܹܗ؛ ܗ̇ܘ ܕܥܵܒܼܪܵܢܵܐ ܗَܘܵܐ؛ 8ܒܲܣ ܕܵܐܟܼܝܼ ܚܸܠܡܲܬ ܕܪܘܼܚܵܐ ܠܹܐ ܗܵܘܝܵܐ ܒܘܼܫ ܙܵܘܕܵܐ ܒܚܸܩܪܵܐ؛ 9ܣܵܒܵܒ ܐܸܢ ܚܸܠܡܲܬ ܕܓܘܼܢܵܗܟܵܪܘܼܬܵܐ ܗَܘܹܐܠܵܗ̇ ܚܸܩܪܵܐ؛ ܟܡܵܐ ܙܵܘܕܵܐ ܒܸܬ ܙܵܝܕܵܐ ܚܸܠܡܲܬ ܕܙܲܕܝܼܩܘܼܬܵܐ ܒܚܸܩܪܵܐ؛ 10ܣܵܒܵܒ ܐܘܼܦ ܗ̇ܘ ܕܦܸܫܠܹܗ ܚܩܝܼܪܵܐ ܠܹܐ ܗَܘܵܐ ܚܩܝܼܪܵܐ ܒܐܵܗܵܐ ܗܲܓ̰ܲܬ؛ ܡܣܵܒܵܒ ܕܚܸܩܪܵܐ ܕܝܼܠܹܗ ܒܘܼܫ ܙܵܘܕܵܐ. 11ܣܵܒܵܒ ܐܸܢ ܡܸܢܕܝܼ ܕܥܵܒܼܪܵܢܵܐ ܗَܘܵܐ ܗَܘܹܐ ܠܹܗ ܒܚܸܩܪܵܐ؛ ܒܘܼܫ ܙܵܘܕܵܐ ܗ̇ܘ ܕܥܲܪܩܸܠ ܒܸܬ ܗܵܘܹܐ ܒܚܸܩܪܵܐ. 12ܒܲܣ ܣܵܒܵܒ ܕܐܝܼܬ ܠܲܢ ܐܵܗܵܐ ܗܹܒܼܝܼ؛ ܪܵܒܵܐ ܒܸܣܬܵܝܘܼܬܵܐ ܡܲܦܠܘܼܚܹܐ ܝܘܵܚ؛ 13ܘܠܵܐ ܐܲܝܟܼ ܡܘܼܫܹܐ ܕܕܪܹܐܠܹܗ ܟܵܣܵܝܬܵܐ ܥܲܠ ܦܵܬܹܗ؛ ܕܠܵܐ ܚܵܝܪܝܼ ܗَܘܵܘ ܒܢܲܝ̈ ܝܼܣܪܵܝܹܠ ܠܫܘܼܠܵܡܵܐ ܕܗ̇ܘ ܕܥܵܒܼܪܵܢܵܐ ܗَܘܵܐ؛ 14ܐܸܠܵܐ ܦܸܫܠܗَܘܿܢ ܡܘܼܩܫܝܹܐ ܚܝܼܵܠܵܝ̈ܗܝ؛ ܣܵܒܵܒ ܕܗܲܠ ܐܵܗܵܐ ܝܵܘܡܵܐ ܐܝܼܡܲܢ ܕܕܝܵܬܹܩܹܐ ܥܲܬܝܼܩܬܵܐ ܦܵܝܫܵܐ ܩܪܝܼܬܵܐ؛ ܗܲܪ ܗ̇ܝ ܟܵܣܵܝܬܵܐ ܟܹܐ ܟܵܠܝܵܐ؛ ܘܠܹܐ ܦܵܝܫܵܐ ܓܠܝܼܬܵܐ؛ ܗ̇ܝ ܕܒܡܫܝܼܚܵܐ ܦܝܵܫܵܐ ܝَܠܵܗ̇ ܒܘܼܛܸܠܬܵܐ. 15ܐܸܠܵܐ ܗܲܠ ܐܸܕܝܘܿܡ ܐܝܼܡܲܢ ܕܦܵܝܸܫ ܩܸܪܝܵܐ ܡܘܼܫܹܐ؛ ܟܵܣܵܝܬܵܐ ܥܲܠ ܠܸܒܵܝܗܝ ܕܪܝܼܬܵܐ ܝَܠܵܗ̇. 16ܐܝܼܢܵܐ ܐܝܼܡܲܢ ܕܐَܢܵܫܵܐ ܡܸܢܵܝܗܝ ܕܵܝܸܪ ܠܟܸܣ ܡܵܪܝܵܐ؛ ܟܹܐ ܦܵܝܫܵܐ ܫܩܝܼܠܬܵܐ ܡܸܢܹܗ ܟܵܣܵܝܬܵܐ. 17ܐܝܼܢܵܐ ܡܵܪܝܵܐ ܪܘܼܚܵܐ ܝܠܹܗ؛ ܘܐܲܝܟܵܐ ܕܝܼܠܵܗ̇ ܪܘܼܚܵܐ ܕܡܵܪܝܵܐ ܬܵܡܵܐ ܐܵܙܵܕܘܼܬܵܐ ܝَܠܵܗ̇. 18ܐܝܼܢܵܐ ܐܲܚܢܲܢ ܟܠܲܢ ܒܦܵܬܵܐ ܓܠܝܼܬܵܐ ܬܸܫܒܘܿܚܬܹܗ ܕܡܵܪܝܵܐ ܐܲܝܟܼ ܕܒܢܵܘܪܵܐ ܒܸܚܙܵܝܵܐ ܝܘܵܚ؛ ܘܠܗ̇ܝ ܕܡܘܼܬܵܐ ܦܝܵܫܵܐ ܝܘܵܚ ܫܘܼܚܠܸܦܹܐ ܡ̣ܢ ܚܸܩܪܵܐ ܠܚܸܩܪܵܐ؛ ܐܲܝܟܼ ܕܡ̣ܢ ܡܵܪܝܵܐ ܪܘܼܚܵܐ.